JioBharat 4G हा एक बेसिक फीचर फोन आहे. यात 1.77 इंच TFT डिस्प्ले आहे. यात LED फ्लॅशसह 0.3 मेगापिक्सेलचा रिअर कॅमेरा आहे. या फोनमध्ये 1000mAh बॅटरी आहे. एका चार्जवर 24 तासांपर्यंत बॅटरी बॅकअप उपलब्ध आहे. हा बेसिक फोन 23 भारतीय भाषांना सपोर्ट करतो. एवढेच नाही तर JioBharat 4G फोनमध्ये JioPay सपोर्ट उपलब्ध आहे. मात्र, या फोनमध्ये फक्त जिओ सिम कार्ड काम करेल.
JioTV, JioCinema आणि JioMusic सारखे अनेक Jio अॅप्स या फोनमध्ये प्री-लोड केलेले आहेत. Jio ने JioBharat प्लॅन देखील लॉन्च केले आहेत. त्याच्या मासिक प्लॅनची किंमत 123 रुपये आहे. वार्षिक योजनेची किंमत 1234 रुपये आहे. JioBharat फोनसह, वापरकर्त्यांना परवडणाऱ्या किमतीत उच्च दर्जाचा डेटा मिळेल. ज्यांना 2G फोनवरून 4G वर अपग्रेड करायचे आहे त्यांच्यासाठी हा फोन सर्वोत्तम असेल.
JioBharat फोन देशांतर्गत फोन निर्माता कार्बन मोबाईल्सने बनवला आहे आणि देशभरातील रिटेल आउटलेटवर खरेदीसाठी उपलब्ध आहे. JioBharat फिजिकल कीबोर्ड आणि क्लासिक ब्लॅक कलरसह येतो. या फोनमध्ये 3.5 मिमी ऑडिओ जॅक, टॉर्च, एफएम रेडिओ आणि मायक्रोएसडी कार्डद्वारे विस्तारित स्टोरेज सपोर्ट आहे. हा फोन JioBharat V2 आणि JioBharat K1 कार्बन या दोन मालिकांमध्ये उपलब्ध असेल.
हे पण वाचा :तुम्हाला तुमचा CIBIL स्कोअर सुधारायचा असेल, तर हे App करेल मदत,कसे ते जाणून घ्या ?
